Græni hatturinn á Akureyri

Gaman er til þess að vita að Sigmundur Rafn Einarsson og eiginkona hans, Guðbjörg Inga Jósefsdóttir, stofnendur Bláu könnunnar, fyrsta reyklausa kaffihúss á Íslandi, og Græna hattsins, fyrsta menningarhússins á Akureyri sem bauð upp á lifandi tónlist, skuli ætla að endurbæta og stækka Græna hattinn og gera reksturinn fjölbreyttari.

PARÍS, hið fornfræga hús þeirra hjóna, hefur frá því þau eignuðust það 1997 verið miðpunktur göngugötunnar á Akureyri og dregið til sín tugþúsundir manna víðs vegar að úr heiminum og margar myndlistarsýningarnar á annarri hæð hússins eru mér afar minnisstæðar. Ég tek minn græna hatt ofan fyrir þeim hjónum.

Athugasemdir

[Bjarni Th. Bjarnason (IP-tala skráð) 11.3.2010 kl. 16:38]

Sæll Tryggvi.

Sammála þér.  Það er gott til þess að vita að fólk er ekki að gefast upp.  Þeirra rekstur á Akureyri hefur verið til fyrirmyndar.

Með kveðju,

Bjarni Th.