"Dóttir mín á vinkonu" - orð gamals leiðtoga ASÍ

Ásmundur Stefánsson, núverandi bankastjóri LÍ, áður hagfræðingur ASÍ, framkvæmdastjóri og forseti ASÍ, framkvæmdastjóri Íslandsbanka, framkvæmdastjóri Eignarhaldsfélagsins Alþýðubankinn, framkvæmdastjóri Þróunarfélags Íslands, stundakennari við MH og cand. polit. í hagfræði 1972 frá Kaupmannahafnarháskóla kom í Kastljós í kvöld. 

Það vakti furðu okkar gamalla framsóknarmanna að norðan hversu gamlir byltingarmenn að sunnan eldast illa. Þeir tala ekki lengur um hagsmuni almennings í kerfishruni heimilanna í landinu - alþýðan er ekki nefnd á nafn - heldur tekin dæmi um að dóttir Ásmundar eigi vinkonu sem eigi í erfiðleikum með að flísaleggja gólfið heima hjá sér. Sjálfur segir hann sig ekki muna mikið um að skulda tíu milljónir í húsinu sínu, sem metið er á 300 milljónir króna, eftir að hafa ráðið sjálfan sig bankastjóra LÍ - þá formaður bankaráðs LÍ. Gaman væri að vita hverjar eru ævitekjur þessa gamla alþýðuforingja.

Sighvatur skáld Þórðarsonar frá Apavatni í Grímsnesi, sem  talinn er dauður 1045, fór mikla svaðilför um Svíþjóð fyrir vin sinn Ólaf hinn helga Haraldsson Noregskonung að njósna um óvini konungs.  Gisti hann hjá þeim manni sem kallaður var "besti þegn konungs".  Ekki leist Sighvati skáldi betur en svo á þennan besta mann konungs að hann sagði í vísu einni: Þá er hinn versti illur ef þessi er hinn besti. Held ég þó göllum manna lítið á loft.

Sama segi ég: Þá er hinn versti illur ef þessi er hinn besti. Held ég þó göllum manna lítið á loft. 

Athugasemdir

[Unnur H. Jóhannsdóttir (IP-tala skráð) 29.3.2010 kl. 22:15]

Það er eins og alþýðan í landinu sé ekki lengur til! Hvar er sjómaðurinn í fréttum, ræstingakonan, kennarinn, smiðurinn, píparinn, já og flísaleggjarinn? Það er alltaf verið að tala við sérfræðinga sem eru ekki í neinum tengslum við fólkið í landinu en þeim mun betur við tölur á pappírum. Fólkið í landinu bæði finnur meira fyrir þeim þrengingum sem ganga yfir og svo kann það að skýra frá ástandinu á mannamáli en ekki með sértækum hugtökum sem lært fólk ber fyrir sig því það kann ekki annað betra. Þekkingin sem alþýðan í landinu skilar sér ekki í fjölmiðlana, því miður, vegna ofurtrúar á sérfræðiþekkingu þeirra í fílabeinsturninum. 

[Jón Baldur Lorange, 30.3.2010 kl. 00:05]

Vel mælt skólameistari.

[mbt shoes (IP-tala skráð) 30.3.2010 kl. 06:56]

You did a good job!

[Árni Gunnarsson, 30.3.2010 kl. 10:09]

Alveg komst þú nú slysalaust frá þessum samanburði á þessum fulltrúum ólíkra gilda. Betur hygg ég að Sighvatur Þórðarson muni eldast með sögu þjóðarinnar en Ásmundur Stefánsson.

Sannarlega er það slysalegt þegar nafnkunnir menn sýna svona áberandi geymsluskemmdir.

[Jón Jónsson (IP-tala skráð) 1.4.2010 kl. 11:33]

Hvernig færðu það út að hús Ásmundar sé metið á 300 milljónir? Það er ansi svakaleg upphæð.

[mbt shoes (IP-tala skráð) 3.4.2010 kl. 05:00]

The specially designed of <a href="http://www.mbtag.com/"><strong>mbt shoes</strong></a> significantly improves both your posture and your gait. The uniquely designed of <a href="http://www.mbtag.com/"><strong>MBT</strong></a>, combined with correct training, achieves a more active and healthy posture and walk. Wearing <a href="http://www.mbtag.com/"><strong>mbt shoes</strong></a> will burn extra calories, help to regenerate muscles. Cheap mbt shoes sale in MBTag.com.