Þreytt þjóð, þreyttur forseti

Sjálfstæðismenn hafa tryggt kjör Ólafs Ragnars Grímssonar fimmta kjörtímabil hans sem forseti. Ólafur Ragnar Grímsson situr því 20 ár í embætti forseta - ef að líkum lætur - sem er óþekkt í nokkru lýðræðislandi á Vesturlöndum. Úrslitin vekja til umhugsunar um stöðu þessarar þjóðar sem er ráðvillt, þreytt og áhugalaus. Þjóðin á því skilið að fá gamlan og þreyttan forseta sem gengið hefur á bak orða sinna, breytt afstöðu sinni og skoðun hvað eftir annað og afskræmt heiðarlega umræðu. En vatnið er gott Íslandi.

Athugasemdir

[Jón Valur Jensson, 1.7.2012 kl. 04:57]

Ert þú ekki bara sjálfur þreyttur á þessu öllu saman, Tryggvi minn?

Ólafur stundar líkamsrækt miklu betur en við og er manna hressastur.

[Helga Kristjánsdóttir, 1.7.2012 kl. 13:14]

Hinn síungi forseti,varð við áskorun tuga þúsunda Íslendinga,á þessum óvenjulegu tímum.

[Guðjón Sigurbjartsson, 1.7.2012 kl. 13:17]

Niðurstaðan sýnir enn eina ferðina að hluti þjóðarinnar, sérstaklega landbyggðarfólk, lætur einskis ófreystað til að halda okkur utan ESB. Það er oft langt til seilst og kostar þjóðina gríðarlegar fórnir. Í grunninn er það fyrir okkar dýra niðurgreidda landbúnað og þá sem lifa á honum. Þjóðin skilur ekki hvað þetta kostar hana mikið og bara vorkennir aumingja bændunum.

[Ómar Bjarki Kristjánsson, 1.7.2012 kl. 13:22]

þetta er nokkuð rétt greining.

[Jón Valur Jensson, 1.7.2012 kl. 13:49]

Þetta með líkamsræktina staðfesti Ólafur í sínu ágæta Bylgjuviðtali í hádeginu.

Aðspurður, hvort baráttan hefði verið erfið, mæltist honum m.a. nokkurn veginn orðrétt þannig:

"Sem betur fer er ég vel á mig kominn líkamlega, þökk sé kannski morgungöngunum og æfingunum alla daga ársins."

Einnig sú rækt herra Ólafs við þessa Guðsgjöf, líkamann, mælir með honum.

[Helga Kristjánsdóttir, 1.7.2012 kl. 14:02]

Nei,fólkið á landsbyggðinni sér lengra en til næstu fjögurra ára. Ekkert ríki í Evrópu er eins langt frá ,,klasanum,, eins og Ísland og Færeyjar. Fólk er vel upplýst um þróun Evrópusambandsins og þá erfiðleika,sem það glýmir við. Auk þess er okkur hollt að halda þeim hreina bústofni,sem okkur hefur tekist að verja gegn alvarlegum sjúkdómum. Hér eru nægar auðlindir,landrými og væntingar gróðapunga Esb. til að ásælast. Hér ætlar sá kjarni sem sýnilegur er í forsetakosningum að berjast fyrir Sjálfstæði Íslands,með góðum samskiptum við ríki um allan heim,ekki bara Evrópu.

[Jón Valur Jensson, 1.7.2012 kl. 14:19]

Vesalings Guðjón kunningi minn og fyrrum samflokksmaður vill hverfa frá niðurgreiðslu landbúnaðar okkar, sem stuðlar þó að betri nýtingu landsins og möguleikum smærri samfélaganna til að lifa af, eins og þau þurfa, hvort eð er, að gera og halda áfram að nýtast bæði sjávarsókn og síaukinni ferðaþjónustu.

Í stað niðurgreidds landbúnaðar hér vill Guðjón kostnaðarsama þátttöku okkar í RISAVÖXNUM niðurgreiðslum Esb-landbúnaðar! -- og það jafnvel þótt þetta kosti okkur afsal æðsta fullveldis í löggjafar- og fleiri málum, sem og að Evrópusambandið taki sér alræðisvald yfir fiskveiðilögsögu milli 12 og 200 mílna!

Það eru svona viðhorf, sem ber að vorkenna, Guðjón minn.

.

Og þá er það vísa handa Ómari Bjarka:

.

Seyðisfjarðarflónsins orð

fljúga vítt um netið.

Fullveldis vilji'hann fremja morð,

fáir það skilja á Íslands storð;

mas hans er einskis metið.

.

[Jón Sveinsson, 1.7.2012 kl. 14:44]

ÞAÐ ER ERFITT FIRIR SUMA AÐ SKILJA AÐ HVERT ATHVÆÐI SEM EKKI ER NÍTT ER SIGURVEGARA KOSNINGARINNAR OG EF EKKI ÞÁ MÆTIR FÓLK OG SKILAR BARA AUÐU SVO EINFALT ER ÞETTA...

[Ómar Bjarki Kristjánsson, 1.7.2012 kl. 15:25]

Er nefnilega nokkuðgóð greining.

Óbærilegur þreytileiki tilverunnar.

[Tryggvi Gíslason, 1.7.2012 kl. 18:23]

Ekki kæmi mér á óvart, Jón Valur Jensson, að ekki aðeins ég - ef mig skyldi kalla - heldur margur góður sjálfstæðismaðurinn yrði orðinn þreyttur áður yfir lyki á þreytandi og þreyttum forseta, hinu nýja stjórnmálaflokki Ólafi Ragnari Grímssyni.

[Hrólfur Þ Hraundal, 1.7.2012 kl. 18:31]

Af hverju fara vinstri menn í fýlu þegar fólkið í landinu velur sér forseta sem það treystir?  Stóðu ekki vinstri menn saman um að kjósa Þóru eða Ara Trausta?  Er lýðræði bara til handa fulltrúum vinstrimanna?  Í kosningum sigra ekki allir, en besta niðurstaðan fæst, sé heiðarlega að þeim staðið.

   

[Guðjón Sigurbjartsson, 2.7.2012 kl. 17:24]

Þessi niðurstaða er eðlileg hvort sem maður er ánægður með hana eða ekki. Þetta er bara fólkið sem vill halda okkur utan ESB sem lætur það ganga fyrir öllu. Það verður þá svo að vera fyrir þá sem nenna að búa við það. Hinir geta bara hugað að flutningi til annarra landa, enda opið með EES samningnum.

[Jón Valur Jensson, 2.7.2012 kl. 18:36]

Mér sýnist mesta þreytan drúpa hér af þér, Tryggvi minn, þú hefur ekki einu sinni megnað að skrifa nýjan pistil eftir lokatalninguna, hvað þá fagnaðarpistil.

[Tryggvi Gíslason, 3.7.2012 kl. 00:10]

Get glatt þig með því, Jón Valur, að pistill, greinar og skýringar hafa þegar birst - og eiga eftir að birtast - jafnvel fagnaðarpistlar, en einnig harmagrátur. Hins vegar hafa þegar komið gagnmerkir pistlar, greinar og skrif sem bregða ljósi á forsetann og viðhorf hans, svo sem eftir Davíð Oddsson, Styrmi Gunnarsson og Þorstein Pálsson, sem ég vona að þú hafir lesið - og skilið, að ekki sé talað um greiningar og ummæli fræðimanna á sviði lögfræði og stjórnmálafræði. Hins vegar vildi ég biðja þig að skýra fyrir mér, sjálfum þér og öðrum, hvers vegna þú ert svo fagnandi yfir kjöri Ólafs Ragnars Grímssonar til forseta Íslands nú - árið 2012? Varstu svona fagnandi árið 1996 og 2004?

[Jón Valur Jensson, 3.7.2012 kl. 03:00]

Nei, ég var það síður en svo þá, Tryggvi, enda enginn vinstri maður.

Nú var hins vegar ástæða til að kjósa Ólaf Ragnar, eins og þú átt að þekkja.

Forsetinn er og verður brjóstvörn okkar, sverð og skjöldur gegn ásælni ágjarnra, erlendra ríkisstjórna, sem vildu reyna við okkur gömlu Fiji-eyja-aðferðina og seilast eftir auðlindum okkar (makríllinn er augljóst dæmi nú þegar). Þessar ríkisstjórnir eiga svo innangengt hér hjá algerum lúðum í stjórnmálastéttinni, eins og þú átt líka að vita. Svo herfileg voru svik Steingríms og Svavars við þjóðarhagsmuni, að halda mætti, að MI-5 eða MI-6 hafi komizt í viðkvæm STASI-gögn um einhverja og haft á þeim kverkatak.

Forsetinn er einnig meðvitaður um vit-leysuna í því að vilja innmúra Ísland í Evrópusambandið og færa æðsta löggjafarvald okkar út til Brussel. Hann lætur 5. herdeildinni ekki takast það með neinum vélabrögðum. Hann er reiðubúinn að beita sér þar, sem Þóra þyrði því ekki eða myndi ekki einu sinni vilja það, að mínu mati. Og allt er þetta mitt mat á hlutunum hér.

Og hvað hefurðu séð eftir Davíð Oddsson nýlega?