Reykjavík - höfuðborg allra landsmanna

Seint virðist sumum forráðamönnum Reykjavíkurborgar ætla að skiljast, að Reykjavík er höfuðborð Íslands - höfuðborg allra landsmanna með öllum þeim gögnum og gæðum, kostum og göllum sem slíku fylgir.

Við Akureyringar hefðum gjarnan viljað afsala okkur atkvæðisrétti í Alþingiskosningum til þess að fá löggjafarþingið, stjórnarráðið, Háskóla Íslands og Landspítalann norður og leggja land undir flugvöll - en þess mun ekki kostur.

Enn er af hálfu þessara forráðamanna  Reykjavíkurborgar farið af stað með umræðu um að leggja þurfi Reykjavíkurflugvöll undir byggð til þess að geta gert borgina lífvænlegri. Það eru aðrir hlutir sem gera borg lífvænlega og að því hafa borgarbúar - Reykvíkingar - stuðlað með margvíslegum hætti undanfarna áratugi. En með því að leggja Reykjavíkurflugvöll niður í sinni núvarandi mynd, er verið að skera hjartað úr borginni.

 

Athugasemdir

[Jóhann Kristinsson, 29.8.2013 kl. 03:36]

Lattelepjandi kaffihúsalýður 101 Reykjavík er ekki á sama máli Tryggvi, Reykjavík er og á að vera fyrir lattelepjandi kaffihúsalýð 101 Reykjavik og það sem þeir vilja, á að gera, en ekki fyrir einhverja sveitó landsby idiot.

Kveðja frá Las Vegas.

[Þórir Kjartansson, 29.8.2013 kl. 07:24]

Reykjavík er höfuðborg Íslands og því hljóta að fylgja bæði réttindi og skyldur. En Jón Gnarr og Gísli Marteinn skilja það greinilega ekki.