Einelti og áhrif uppeldis

Einelti - sem áður var kallað stríðni - hefur lengi viðgengist í íslenskum skólum og raunar einnig á íslenskum vinnustöðum. Ástæður eru margar og ferlið flókið.

Víða í skólum er unnið markvisst gegn einelti. En einelti sér hins vegar oftast rætur á heimilunum - því viðmóti sem þar ríkir. Þar sem ekki ríkir virðing, tillitssemi og traust er hætta á einelti og hafa ber í huga að áhrif bernskunnar endast margar kynslóðir.

Vanda Sigurgeirsdóttir, lektor við Háskóla Íslands, vinnur að doktorsritgerð um einelti í skólum, en sérsvið hennar er tómstundir og félagsmál, frítími, börn - og einelti. Í síðustu viku var viðtal við Vöndu í Ríkisútvarpinu þar sem hún sagði frá verkefni sínu. Telur hún ekki hafi verið nóg gert í skólumi varðandi þetta vandamál. Gera þurfi betur og þá m.a. að ná til barna miklu fyrr og til allra barna og til allra foreldra, ekki aðeins foreldra barna sem lögð eru í einelti og foreldra barna sem leggja önnur börn í einelti. Fróðlegt verður að sjá niðurstöður rannsókna Vöndu Sigurgeirsdóttur á einelti.

Athugasemdir

[Helga Kristjánsdóttir, 13.4.2015 kl. 21:42]

Vanda kemur reynslumikil í þetta sérsvið,eftir að hafa þjálfað stúlkur  um árabil í fótbolta.  

[Jón Þórhallsson, 14.4.2015 kl. 06:31]

http://thjodarskutan.blog.is/blog/thjodarskutan/entry/1668125/

Það er alltaf dýrmætara að hugsa í lausnum heldur en að eyða peningum í að rannsaka einhvern vitleysisgang.