Þrætubókarlist íslenskra átakastjórnmála

Eftir að hafa hlustað á viðtal Gísla Marteins við forsætisráðherra get ég tekið undir orð Gísla Marteins - “Vá, furðulegt viðtal” - ekki aðeins vegna þess hvað forsætisráðherra sagði og gerði heldur ekki síður vegna þess hvernig Gísli Marteinn hegðaði sér.

Sem gamall fréttamaður á gömlu Fréttastofu gamla Ríkisútvarpsins furða ég mig á sífelldum framíköllum Gísla Marteins og stöðugum tilraunum hans til þess að túlka orð forsætisráðherra. Vikulega horfi ég á sambærilega þætti í danska og norska sjónvarpinu og slík framkoma þáttastjórnenda þar er bæði óþekkt og óhugsandi. Þar stunda þáttastjórnendur ekki orðaskak við viðmælendur sína heldur reyna að kasta ljósi á viðfangsefnið.

Þrætubókarlist kemur víst til með að einkenna íslensk átakastjórnmál enn um hríð.

Athugasemdir

[Ásthildur Cesil Þórðardóttir, 17.2.2014 kl. 10:11]

Ég er sammála þér með spyrlinn, hef aldrei orðið vitni að öðrum eins dónaskap og hann sýndi þarna.

[Agla, 17.2.2014 kl. 22:09]

Algjörlega ósammála ykkur. 

Mér fannst spyrillinn standa sig vonum framar.                                                        

Hann var , að því er virtist, þokkalega undirbúinn fyrir viðtalið  og gerði, í fullri kurteisi, ítrekaðar tilraunir til að fá viðmælenda sinn til  " að kasta ljósi á viðfangsefnið" /svara skýrt orðuðum spurningum.